اسلامي امارت د محکمې له لارښوونې پرته عام محضر کې د سزا پر ورکړه بندیز ولګاوه

د اسلامي امارت د وزیرانو شورا پرېکړه کړې، چې پر هغو سزاګانو کې چې د مجرم ښکاره کول او تشهیر ضرور نه وي او محاکمو يې د سزا په صورت کې د تشهیر تجویز نه وي کړی، د مجرم له اعدام او جسد ځړولو څخه دې ډډه وشي.

د اسلامي امارت د وزیرانو شورا ویلي، که مجرم ته سزا ورکول کېږي باید له سزا سره يې د جرم یادونه هم وشي، چې خلک يې په جرم خبر وي.

د محاکمو له پرېکړې او د خلکو خبرولو وروسته مجرمینو ته جزا ورکول د نورو لپاره عبرت وي.