Skip to content
د افغانستان کورنیو چارو وزارت ویاند قاري سعید خوستي نن پنجشنبه د « ۱۴۰۰ کال د تلې پر ۲۲ مه » وویل، د دغه وزارت د چارو چټکتیا او سمبالېدو لپاره د نوي اعلان شویو بستونو لپاره سلګونه غوښتنلیکونه ورسپارلي دي.
خوستي ډاډ ورکړی دی چې د اسنادو له څېړلو وروسته به د ازادې سیالۍ له لارې کسان وټاکي.
خوستی زیاتوي: «کوم بستونه چې د وزارت له لورې اعلان شوي، سلګونو کسانو ورته غوښتنلیکونه سپارلي، د اسنادونو له څېړو وروسته به کسان ورته وټاکل شي.»
د اسلامي امارت مسوولینو له پخوانیو کارکوونکو غوښتي چې خپل دندو ته را وګرځي او ډاډ ورکوي، چې ډېر ژر به د ازادۍ سیالۍ له لارې د نویو بستونو لپاره کسان وټاکي.
خوستی ډاډ ورکوي چې د بستونو د آزموینې سیالۍ به شفافه وي او حق به حقدار ته سپارل کېږي.
خوستی وايي: «موږ له یو شمېر کسانو سره خبرې کړي، چې خپلو پخوانیو دندو ته راوګرځي او د اړتیا په صورت کې یو شمېر نور بستونه هم اعلان ته سپارل کېږي.»
د تېر حکومت له پرځېدو سره لسګونه زره کسان بېکار شوي او ډېری پخواني کارکوونکي بیا خپلو دندو ته نه دي ګرځېدلي.
له اسلامي امارت غوښتنې دا دي چې په ګومارنو کې دې مسلکي، تجربه لرونکو او ژمنو ځوانانو ته لومړیتوب ورکړي.
