د جاني خېلو ولسوالۍ یو تن اوسېدونکی وايي:«زموږ په سېمه کې ډېری داسې کارونه هم شوي، چې د جمهوریت په وخت کې باید شوي وای،خو نه دي شوي او موږ له ګڼو ستونزو سره مخ یو.»
د جاني خېلو یو بل اوسېدونکی وايي:« جاني خېلو ولسوالۍ کې د ناامنیو له کبله تېر حکومت هم کار نه دی کړې، اوس له اسلامي امارته غواړو،چې دغه ولسوالۍ ته پاملرنه وکړي او پروژې پلې کړي.»
د جاني خیلو د کلنیک تر څنګ د یو شمېر ښوونځیو د ودانیو جوړیدو چارې نیمګړې پاتې دي او خلک یې د بشپړېدو غوښتنه کوي.
د پکتیا جاني خېلو ولسوالۍ یو تن اوسېدونکی وايي:« د کلینیک ودانۍ چارې او همدا راز ځینو سېمو کې د ښوونځیو د ودانیو جوړیدو چارې هم نیمګړې پاتې دي او اسلامي امارت باید دغه پروژې بشپړې کړي.»
د اسلامي امارت مسوولین هم مني،چې تیرو کلونو کې د جګړو له کبله جاني خېلو کې کار نه دی شوی .
