Skip to content
د اسلامي امارت د سیاسي دفتر غړی او ویاند سهیل شاهین وايي، طالبان په افغانستان کې له امریکايي پلاوي سره د سخت دریځو په ځپلو کې مرسته نه کوي.
شاهین زیاته کړې، دوحه کې پر بېلابېلو موضوعاتو خبرې کېږي، خو د هېڅ راز همکارۍ خبره نده شوې.
که څه هم امریکا په افغانستان کې د سخت دریځو ډلو د شتون او نړۍ ته د هغوی له لوري د ګواښ پېښیدو اندیښنه څرګنده کړې او له طالبانو سره یې د هغوی د ځپلو د همکارۍ خبرې کړي، خو اسلامي امارت نه ده ورسره منلې.
سهیل شاهین وايي، اسلامي امارت دا وړتیا لري، چې په یوازې ځان د داعش او نورو ډلو مخنیوی وکړي او په دې تړاو یې د نړیوالو غوښتنې اوس رد کړي دي.
نن هم په دوحه کې د امریکايي پلاوي او طالبانو ناسته دوام لري، چې ویل کیږي له افغان خاورې امریکا ته د خطر پېښېدو او له القاعده ډلې سره د اسلامي امارت د اړیکو په اړه به په کې پراخ بحثونه وشي.
