د کورنیو چارو وزارت چارواکي تاییدوي چې په وژل شویو او ټپي شویو کسانو کې د عامو خلکو ترڅنګ د امنيتي ځواکونو غړي هم شامل دي.
د کورنیو چارو وزارت ویاند عبدالمتین قانع وايي، ورته بريدونه له هېواده بهر پلان کېږي او ډاډ ورکوي چې د کندز پېښې په شمول به د ورته پېښو عاملان نيول کېږي او د قانون منګولو ته به سپارل کېږي.
قانع زیاتوي:« موږ د سه شنبې په ورځ په کندوز ولایت کې د یوې زړه بوږنوونکې پېښې شاهدان وو چې له بده مرغه په لړ کې یې د مجاهدینو په ګډون ۸ تنه عام وګړي شهیدان او یو شمېر نور هم ټپیان شول. دغه پېښه د امنیتي ځواکونو تر جدي څېړنو لاندې ده او د امنیتي موندلو او اسنادو له مخې به د دې نه بښوونکي جنایت عوامل چې د افغانستان د خلکو او اسلام دوښمنان دي، د هېواد له پولو د باندې ریښه لري.»
