سویډن: د اسلام  پیغمبر کارتون جوړوونکی ټرافیکي پېښه کې مړ شو

په سویډن کې د لارس ویلکس په نوم  هغه کارتون جوړونکی په یوه  ټرافیکي پېښه کې مړ شوی دی،چې د اسلام ستر پیغمبر حضرت محمد ص کارتون یې جوړ کړی وه. 

ځايي رسنۍ وايي، لارس د پولیسو یوه غیر نظامي موټر کې سفر کاوه، چې له مرکریډ نومي ښارګوټي سره نژدې یې موټر له یوې لارۍ سره ټکر شو.

د رسنیو په خبره،پېښه کې دوه پولیس  هم مړه شوي دي  او د لارۍ موټر چلوونکی  ژوبل شوی دی. 

د پیغمبر کارټون له کښلو وروسته ۷۵ کلن  لارس د پولیسو ساتندویانو په ملتیا ژوند کاوه.

۲۰۰۷ کال د دې کارټون له خپرېدو وروسته ګڼ شمېر مسلمانانو سخت غبرګونونه راپورته کړل.