جک ریډ: امریکا په شل کلن ماموریت کې د پاکستان دوه مخې پالیسي ونه پېژندله

د امریکا مشرانو جرګې د وسله والو ځواکونو کمېټې مشر سناتور جګ ریډ تېره ورځ وویل، که له یوې خوا پاکستاني چارواکو له امریکايي لوری سره خبرې او کتنې درلودې، خو له بل لوري یې د امریکا پر ضد وسله وال منظم کول.

د ده په وینا، د امریکا حکومت ونه شو کړای، چې په افغانستان کې د شل کلن ماموریت پر مهال د پاکستان دوه مخې پالیسي وپېژني.

د امریکا لوی درستیز جنرال مایک مېلي هم په یاده ناسته کې ویلي، چې د افغان جګړې په ارزونه کې باید د پاکستان رول او کړنو ته هم جدي کتنه وشي او امریکا باید پرېکړه وکړي، چې له پاکستان سره باید څه ډول چلند وشي.