په کابل کې نن دوشنبه د « ۱۴۰۰ کال د تلې پر ۶ مه» یو شمېر خبریالانو او مدني فعالانو د کام ایر شرکت له لوري د خبریالانو پر ځای د خپلو اقاربو وړلو باندې اعتراض وکړ.
خبریالان او مدني فعالان وايي، د یاد شرکت له لوري ترسره شوی عمل د بښلو وړه نه دی.
دوي له اسلامي امارته غوښتنه کوي چې یاده موضوع وڅېړي او له نړیوالو غواړي چې د خبریالانو په نوم استول شوي کسان بېرته هېواد ته راستانه کړي.
مدني فعال محمد رفع رحیمي وايي: «ځینې کسان د کام ایر شرکت مشر په الفاظو رد کول کوي. موږ له اسلامي امارته غواړو چې یاده موضوع وڅېړي او د شرکت مشر ته دې سزا ورکړي. موږ له نړیوالو غواړو چې د خبریالانو په نوم تللي کسان بېرته هېواد ته راستانه کړي.»
د ځوانانو ټولنې بهیر مشر عنایت الله کاکړ وايي: «موږ پوهېږو چې له خبریالانو سره ریسان، مدیران او نور مسول کسانو یې جفا کړې. تاسې ولې داسې کوئ، د کام ایر شرکت رییس په مسلمانۍ کې زه شک بولم، ولې د مستحقو کسان حق خوری.»
