جنوبي کوریا: له افغانستان سره خپلو مرستو ته دوام ورکوو

د جنوبي کوریا حکومت ویلي، چې راتلونکی کال دوی د شاوخوا نولس اعشاریه پنځه میلیونه ډالرو په ارزښت په افغانستان کې د پرمختیایي پروژو د پلي کولو پلان لري.

جنوبي کوریا غواړي، چې دغه پیسې په افغانستان کې د ظرفیت لوړونې او پالیسي جوړونې په برخه کې ولګوي.

د دغه هېواد چارواکو ویلي، چې له جګړه ځپلي افغانستان سره مرسته کول د نړیوالو مسوولیت دی او دوی هم غواړي د دغه هېواد په بیا رغونه کې خپل رول ولوبوي.