کورنیو چارو وزارت د یو شمېر ریاستونو لپاره نوي کسان پر دندو وګمارل

کورنیو چارو وزارت پر خپلې فیسبوک پاڼه لیکلي، د چارو د غوره ترسراوي او همدارنګه د خدماتو د وړاندې کولو په موخه یې مولوي نورجلال د تعلیماتو او پرسونل مرستیال، عبدالله خان د نشه یي توکو پر وړاندې د مبارزې مرستیال، مولوي شمس الدین منصور د پالیسي او ستراتیژۍ مرستیال، او مولوي زین الله د مقام دفتر لوی رییس په توګه ګمارل دی.

دغه راز یې وزیر حقاني د پلان او اوپراسیون د لوی رییس په توګه، نورالله حافظ د اطفایې د لوی رییس په توګه، تورن جنرال سید نورالله مراد د ترافیکو پولیسو د لوی رییس په توګه او شېرمحمد شریف یې د سرحدي پولیسو د لوی رییس په توګه ټاکلي دي.

وزارت ویلي، مولوي حسیب الله یې د ښوونې او روزنې د لوی قوماندان، مولوي علم ګل حقاني یې د پاسپورټ لوی رییس، مولوي موسی د کورني امنیت لوی رییس، مولوي عارف الله د بهرنیو اړیکو رییس، مولوي عبدالحکیم حمدي د مطبوعاتو او عامه اړیکو رییس، انجنیر ابراهیم د مخابرې او ټېکنالوژۍ لوی رییس او دغه راز یې قاري عبیده د وزارت د امنیتي قطعې قوماندان ټاکلی دی.