اخوا د افغانستان د بشر حقونو سازمان لعل ګل بیا وايي، نړۍ باید د افغانانو روان وضعیت درک کړي او کوم خلک،چې د جګړې او بدمرغۍ له امله له دې ځایه کډه کوي او هغوی ته پناه ور وړي،باید د ملګرو ملتونو د کډوالۍ اصولو له مخې ورسره چلن وکړي.
د کډوالۍ نړیوالې ادارې ټینګار کړی،چې د غیرقانوني کډوالۍ مخه هغه مهال نیول کیدای شي،طالبان له نړیوالې ټولنې سره پر ګډه د افغانستان د ټیکاو او امنیت او اقتصادي خوندیتوب ډاډ ورکړي.
د یادې ادارې کمیشنر فیلېپو ګرانډي وايي:« نړیواله ټولنه باید له افغانستان سره پر ګډه کار وکړي او د ټیکاو باور ډاډ ورکړي. هلته باید سیاسي وضعیت ته په کتو سره پریکړې وشي. د طالبانو د حکومت تر حاکمیت لاندې ولس بېړنیو مرستو ته هم اړتیا لري،ځکه که دغه خدمات نه اوسي،خلک کډوالۍ ته مخه کوي.»
ترکیه وايي اوس مهال یې ۴ میلیونه کډوالو ته ځای ورکړی دی،چې ډېری یې د سوریې وګړي دي او زیاتوي،چې د نړۍ یوه هېواد هم تر اوسه پورې دومره کسان په خپل هېواد کې نه دي منلي،خو دغه کډوال تر ډېره اروپا ته د اوښتلو اراده لري او لس سلنه یې هم په ترکیه کې نه پاتې کیږي.