د سیاسي چارو شنونکی اجمل زرمتی وايي: «دا مرستې باید اولویت بندي شي او بل احصائیه واخیستل شي او تحقیق وشي، چې افغانان په کومو برخو کې واقعا مرستو ته اړتیا لري، لوجستکي مرستو ته او که د بیلګې په ډول د خوراکي موادو مرستې ته اړتیا لري.»
یوشمېر شنونکي اندېښنه لري که دغه پيسې د ګاونډیو هېوادونو او خیریه بنسټونو لخوا وویشل شي ښايي تر ډېر خپل استخباراتي اهداف پر مخ بوځي او فساد هم په کې ممکن دی.
دوی ټینګار کوي چې دغه پيسې دې د اسلامي امارت له خوا پر اړمنو کورنیو او مستحقینو وویشل شي.
د سیاسي چارو شنونکی عزیزالدین معارج وايي: «په خواشینۍ سره چې دا مرستې به د ازادو انجوګانو لخوا او یا د نورو هېوادونو له خوا مصرفېږي، چې هلته به بیا نو دوی خپل جاسوسي پروګرامونه پر مخ بیایي، پیسې به حیف و میل کېږي، په ښه توګه به نه مصرفېږي او خپلې موخې او اهداف به مخې ته بیایي.»