په ورته وخت کې متقي وايي، په تور لیست کې د طالب مشرانو د نومونو ساتل د دوحې له هوکړې سرغړونه ده او د واشنګټن دریځ یې ظالمانه وباله.
متقي زیاته کړه:« په توافق نامه کې یې په ډېر واضاحت سره دا لیکلي،چې د ا فغانستان اسلامي امارت ټول هغه کسان به له تور لیسته ووځي،کوم چې په تور لیست کې شامل شوي. نو د هغې پرېکړې له مخې، بیا هم د اسلامي امارت مسوولین په تور لیست کې پاتې کېدل، دا هېڅ دلیل نه لري. دا یوه ظالمانه پرېکړه ده، بې اساسه پرېکړه ده او هېڅ نعه حقوقي دلایلو ولاړه نه ده. غوښتنه مو دا ده،چې دا مسله حل شي.»
متقي وايي، هغو سفارتونو،چې د دوی له حکومت سره یې مخالفت نه دی کړی، د فعالیت اجازه ورته شوې او د ویزو د ویش او خدماتو د وړاندې کولو لارښوونه ورته شوې ده.
نوموړي د امریکا له لورې افغانستان بانک شتمنۍ کنګل اعلانول وغندل او ټینګار یې وکړ،چې فشار د حل لار نه ده.