په پکتیکا ولایت کې د میلمه راډیو مسوولین وايي،راډیو یې د ناسم کاري چاپیریال او مالي ستونزو له کبله تړلې.
د یادې راډیو مسوول یعقوب منظور وايي،که د سم کاري چاپیریال او مالي ستونزو د حل ډاډ راکړل شي،بېرته به فعالیت پیل کړو.
منظور زیاته کړه:« میلمه مدني او رسنیز بنسټ له ۲۰۱۰ کال راهیسې په مدني ، کولتوري او رسنیزو فعالیتونو بوخت و او اوس د د ناسم کاري چاپیریال او مالي ستونزو له کبله وتړل شو.»
منظور وايي،لسو کلونو راهیسې پلازمینه کابل،پکتیکا او یو شمیر نورو ولایتونو کې د ایف ایم پر څپو خپرونې درلودې او په تړل کېدو سره یې ۳۵ کسانو دندې له لاسه ورکړي دي.
د میلمه په نوم دغه خصوصي راډیو پر پلازمینې کابل او پکتیکا تر څنګ ۱۳ ولایتونو کې د ایف ایم پر څپو خپرونې درلودې او په تړل کیدو سره ۳۵ کسانو دندې له لاسه ورکړې.