بلخ کې طالبانو سره نښته کې ۵ تنه انسان تښتونکي وژل شوي

د بلخ د اطلاعاتو او فرهنګ ریاست سرپرست ذبیح الله نوراني وایي،دغه پېښه پرون شپه د مزار ښار د نهمې ناحیې اړوند شوې ده. 

هغه زیاته کړه چې طالبانو غوښتل دغه انسان تښتوونکي ونیسي،چې وروسته جګړه رامنځته شوې. 

د نوراني په خبره د جګړې په پایله کې پنځه تنه اختطاف کوونکي وژل شوي دي. 

هغه همدا راز وویل چې د دې پېښې پر مهال هغه دوه تنه تښتول شوي کسان هم د انسان تښتونکو له خوا وژل شوي،چې تښتولي یې ول. 

نوموړی په یاده پېښه کې د یوه طالب د ټپي کېدو خبره هم کوي.