پاکستاني چارواکي وايي، د هېواد په شمال لوېدیځ کې د مونسوني بارانونه له امله سیلابونه او ځمکې ښوئیدنې رامنځته شوي،چې لږ تر لږه ۱۷ کسان په کې مړه شوي دي.
دوی وايي، د پاکستان تر ولکې لاندې کشمیر ځنې سیمې هم دغو سیلابونو ځپلي دي.
هغوی وايي، تر دې پورې یې ۱۱ جسدونه له خاورې را اېستلي دي.
د ژغورنې ډلې همدا راز وايي، په نادرکه کسانو کې ښځې او ماشومان هم شامل دي.
د پاکستان د بیړنیو پیښو پر وړاندې د چمتو والي اداره ټینګار کوي،چې سیمې ته یې خپل کارکوونکي او بشري مرستې استولي دي.
د هوا پیژندنې چارواکي په دې اند دي،چې روان مونسوني ورښتونه به د روانې سپټمبر میاشتې تر نیمايي پورې دوام وکړي.