مسکو د تاجیکستان او افغانستان پر ګډه پوله د امنیتي تدابیرو زیاتولو په موخه یاد هېواد ته ټانګونه او پوځي تجهیزات ورکړل.
د امریکایي ځواکونو له وتلو وروسته، روسي ځواکونو په تاجکستان کې پوځي تمرینات هم پیل کړي او خپلې پوځي اډې یې پیاوړي کړي دي.
روسیه منځنۍ اسیا هېوادونو ته د داعش وسله والو د احتمالي ورتګ په اړه اندیښنه لري.
که څه هم طالب ویاند ذبیح الله مجاهد ویلي، چې ټولو هېوادونو ته یې ډاډ ورکړی، چې د افغانستان خاوره به یې پرضد ونه کارول شي .
خو د روسیې دفاع وزارت لخوا په یوه خپره شوې اعلامیه کې ویل شوي، چې مسکو او دوشنبې په ګډه سویلي پولې ته نږدې امنیتي تدابیر زیات کړي دي.