Skip to content
د نیویارک ټایمز او واشنګټن پوسټ ورځپاڼو د راپور له مخې، هغه هوایي برید، چې امریکایانو ویلي د داعش پر یوه مرکز شوی، اصلاً د یوې خیریه موسسې پر کارکوونکي شوی دی.
د یادو ورځپاڼو راپورونه وایي، د امریکايي سرتېرو هغه راپور هم ناسم و، چې ویلي یې وو، په نښه شوي موټر کې چاودېدوني توکي و.
شاوخوا ۱۵ ورځې وړاندې امریکا د کابل هوایي ډګر په شاوخوا کې پریوه کور هوایي برید وکړ، چې د ماشومانو په ګډون یې هغې کورنۍ لس کسان ووژل.
نیویارک ټایمز او واشنګټن پوسټ ورځپاڼو مالومه کړې، چې دغه کورنۍ د زمري احمدي په نوم د یوه کس وه، چې خپله یې د خوړو او زدکړو برخه کې د این اي ای مؤسسې سره کار کاوه، چې مرکز یې په کلیفورنیا کې دی.
امریکا تر اوسه په دې اړه په رسمي توګه څه نه دي ویلي.
