مکسیکو کې اتیا کورونه د غره ښووېدو له امله تخلیه شوي دي

راپورونه وايي، په دغه پېښه کې کې ګڼ شمیر کورونه له غره لاندې شوي دي، خو ډېره مرګ ژوبله نه لري.

ویل کیږي، چې د دغې پیښې له امله یو تن مړ دی او ښايي یو شمېر نور تر خاورو لاندې شوي دي.

د مکسیکو ښار د ژغورنې ډلې چارواکي وايي، سیمې ته یې ټیمونه رسېدلي او پلټنې دوام لري.

هلته د ملکي دفاع ادارو بیا راپور ورکړی، چې شاوخوا لس کسان د دغې غره ښوېدنې له امله نادرکه شوي دي.

چارواکي وايي، دغه غر له څو ورځني شدید ورښت او ۷ درجې زلزلې وروسته ښووېدلی دی.