امریکا اعتراف وکړ چې طالبان په جګړه کې ماتې خوړونکي نه دي او اړتیا ده چې د سولې لاره تعقیب شي.
د امریکا د پوځ لوی درستیز په یوه امنیتي غونډه کې ټینګار کړی چې د افغان جګړې او سولې د مدیریت لپاره ښه ده چې ښکیلې غاړې پر سوله تمرکز وکړي.
دا به په خپل ډول کې لومړی ځل وي چې د امریکا د پوځ لوړپوړی چارواکی د جګړې په برخه کې طالبان نه ماتیدونکي بولي.
له ۱۷ کلنې جګړې او د زلمي خليلزاد له ګمارنې وروسته د امریکا د پوځ لوی درستیز وایي، د افغان سولې کړکېچ له نظامي لارې نه شي حل کېدلی او ښه دا ده، چې طالبان له افغان حکومت سره په سياسي حل لارو خبرې وکړي.
ډانفورډ اعتراف کړی، چې طالبان جګړه کې نه ماتیدونکي دي او اړتیا ده چې د سولې لار تعقیب شي.
د امريک د پوځ لوی درستیز جنرال جوزف ډنفرډ داسې ویلي (( طالبان په جګړه کې اوسمهال بایلونکي نه دي، که څه هم دا به مناسبه وي چې اعتراف وکړو، خو دا په ډاګه ده چې د افغانستان د جګړې حل لار سیاسي ده، نه جګړه.))
له دې سره یو ځای ډانفورډ بیا هم په نظامي، اقتصادي او سیاسي برخه کې پر طالبانو د فشار وړاندیز کړی چې د جګړې پر ځای د د سولې لار خپله کړي.
د امريک د پوځ لوی درستیز جنرال جوزف ډنفرډ داسې ویلي (( له تفصيل ورکولو پرته، موږ باور لرو، چې طالبان اوس په دې پوهېږي ، چې د سولې خبرو ته غاړه کېږدي او دې ستونزې ته د پای ټکی کېږدي.))
دغه امريکايي چارواکي دا خبرې په داسې مهال کې کوي چې د افغان سولې په تړاو د امريکا ځانګړي استازي تازه په قطر کې له طالب چارواکو سره په یو شمېر موضوعاتو خبرې کړي دي.
راپور: محبوب الهی
