Skip to content
د واشنګټن پوسټ د راپور له مخې، د امریکا د استخباراتو ادارې مشر ویلیم برنز له ملا عبدالغني برادر سره د تېرې دوشنبې په ورځ په پټه کتلي او په ځینو موضوعاتو یې خبرې کړي دي.
تر اوسه د برادر او ویلیم د لیدو په اړه په رسمي توګه څه نه دي ویل شوي، خو په افغانستان کې د بهرنیو ځواکونو د اوسېدو مودې غځېدو ترڅنګ ګومان کېږي، چې د برادر او ویلیم په کتنه کې به د نورزي او فریچس د تبادلې په اړه هم خبرې شوې وي.
له نورزي سره د تبادلې وړاندیز د فریچس خور کارلینا کاکورا کړی او ویلي یې و، چې د هغې د ورور خلاصون تر دې زیات ارزښت لري، چې نورزی د امریکا په زندان کې بندي وي.
ویل کېږي، مارک فریچس وروستنی امریکایی دی، چې تېر کال په افغانستان کې یرغمل شو او لا هم د طالبانو په ولکه کې دی.
حاجی بشیر نورزی د حاجي محمد عیسی خان نورزي زوی، د طالبانو د رهبرۍ شورا او د ملا محمد عمر مجاهد ځانګړی سلاکار یادېږي، چې د کندهار ولایت د میوند ولسوالۍ اوسېدونکی او په قوم نورزی دی او د تیرو ۱۶ کلنو راهیسې بندی دی.
