د اروپا او اسیا په یو شمېر هېوادونو کې د کرونا وبا پېښې مخ پر زیاتېدو دي

ایران او نوی زیلاند هغه هېوادونه دي، چې د کووېډ له دلتا بڼې څخه په اندېښنه کې دي او وايي، چې پېښې یې ورځ تر بلې په زیاتېدو دي.

اخوا په بریټانیا کې هم په تېرو څو ورځو کې له دېرشو زرو زیاتو کسان پر  کرونا اخته شوي دي.

د جرمني په ګډون په شاوخوا نورو اروپايي هېوادونو  کې هم د ژوند چارو د نورمال کېدو له امله د کرونا ګواښ په زیاتېدو دی.

د یادو هېوادونو چارواکي وايي، هڅه یې دا ده، چې د واکسینونو د تطبیق لړۍ چټکه او پراخه کړي، ترڅو د دغه مرګوني ویروس د لا زیاتو پراخېدو مخه ونیول شي.