د کندهار سوداګرو هند ته د صادراتو د بیا پیل غوښتنه وکړه

د کندهار سوداګرو او د سوداګرۍ خونې مسوولینو د کندهار له والي سره د یوې غونډې پر مهال غوښتنه وکړه، چې هندوستان هېواد ته د صادراتو لړۍ دې بېرته پیل شي، تر څو د وچې او تازه میوې د سوداګرۍ په برخه کې له احتمالي اقتصادي زیانونو څخه و ژغورل شي.

یاده ناسته کې د کندهار والي محمد یوسف وفا له یادو سوداګرو سره په دې برخه کې د ستونزو د هواري ژمنه وکړه.

هغه زیاته کړې، چې د دې تر څنګ به د تازه او وچو میوو لپاره په هېواد کې دننه هم د ښه مارکېټ فرصت برابر کړي.