د طالبانو د مذاکراتي ټیم غړي انس حقاني ویلي، نړۍ غوښتل، چې د طالبانو له راتګ سره سم په افغانستان کې وینه تویه شي، خو دوی یې مخنیوی وکړ.
انس حقاني ویلي، اړتیا نشته چې د پرديو په لمسون د يو بل وينه تویه شي او په افغانستان کې جګړه دوام وکړي.
نوموړي ویلي، دوی د جګړې د دوام اراده نه لري او له ټولو افغانانو غواړي، چې د جګړې د ختم لپاره اقدام وکړي.
حقاني زیاته کړې، طالبان د يو ټول شموله حکومت د جوړولو پلان لري او نه غواړي، چې بیا څوک په يو او بل نوم وځورول شي.