ناټو: افغانستان کې هر راتلونکی حکومت بايد نړيوالو مکلفيتونو ته غاړه کېږدي

د ناټو غړو هېوادونو په یوه ګډه اعلامیه کې ویلي، چې افغانستان کې هر راتلونکی حکومت باید نړیوال مکلفیتونه ومني او باید داسې حکومت جوړ شي، چې افغانستان د وسله والو لپاره په خوندي ځای بدل نه کړي.

د ناټو اعلامیه کې دا هم راغلي، چې د روان وضعیت له امله یې افغان چارواکو سره خپلې تولې مرستې ځنډولې دي.

ناټو ویلي، ټول افغان مشران دې د یوه ټول شموله حکومت لپاره کار وکړي.

دا په داسې حال کې ده، چې پخواني افغان چارواکي او مشران لا هم نه دي بریالي شوي، چې له طالبانو سره یوې هوکړې ته ورسېږي او یو ټول منلی حکومت جوړ کړي.