Skip to content
پخواني طالب چارواکي ملا عبدالسلام ضعیف ویلي، پاشل شوي افغان امنیتي او دفاعي ځواکونو بېرته راغوښتل کېږي او د رغولو امکان یې شته.
ضعیف ویلي، د ملي امنیتي او دفاعي ځواکونو شتون اړتیا ده، چې طالبان ورسره ستونزه نه لري.
نوموړي ویلي، د پاشل شوي افغان ځواکونو ټول مالومات له طالبانو سره شته او په خبره یې د یو هېواد لپاره اردو ضروري او مهمه اړتیا ده.
هغه دا هم ویلي، چې طالبانو ملکي مامورين بېرته خپلو دندو ته ورغوښتي او له نظامي ځواکونو سره هم ستونزه نه لري.
د طالبانو له راتګ مخکې افغانستان شاوخوا درې سوه زره ځواکونه درلودل، چې ویل کېږي، تر يو ټريليون زيات ډالر لګښت پرې راغلی و.
