Skip to content
د برېټانیا پارلمان کې نن د افغانستان په تړاو غونډه شوې ده.
غونډه کې د برېټانیا لومړي وزیر پر ملګرو ملتونو او ناټو سازمان غړو هېوادونو غږ وکړ چې د افغانستان په تړاو جدي ګامونه پورته کړي.
جانس د هغو افغانانو په هکله اندېښنه څرګنده کړه چې برېټانوي او نورو بهرني اتباعو سره یې کار کړی دی.
د بريټانیا لومړي وزیر ویلي، دامهال زرګونه افغانان له ګواښونو سره مخ دي او په وینا یې د دوی د خونديتوب لپاره باید جدي هڅې وشي.
جانسن د پارلمان غړو ته ډاډ ورکړ چې تر دې مهال له دوه زره زیات کسان خوندي ویستل شوي خو لاهم زرګونه تنه نور د کابل هوايي ډګر شاوخوا کې الوتنو ته انتظار باسي.
د برېټانیا پارلمان کې داسې مهال دغه ناسته جوړېږي، چې د طالبانو ویاند تیره ورځ افغانانو ته ډاډ ورکړ چې ټولو دولتي کارکوونکو او د بهرنیانو افغان همکارانو ته یې عمومي عفوه اعلان کړې او بهر ته دې نه ځي.
