بریتانیا: افغانستان کې نوی حکومت باید د نړیوالو نورمونو پر اساس په رسمیت وپېژندل شي

د رويټرز خبري اژانس د راپور له مخې، د بریتانیا لومړي وزیر بورېس جانسن د پاکستان له لومړي وزیر عمران خان سره ټیلیفوني خبرې کړي او ترې غوښتي یې دي، چې افغانستان کې هر ډول حکومت رامنځته کېږي، باید د نړیوالو نورمونو پر اساس په رسمیت وپېژندل شي.

پاکستان ویلي، له سیمه ییزو او نړیوالو قدرتونو سره له سلا مشورو وروسته به په افغانستان کې د طالبانو حکومت رسمیت پېژندلو په اړه پرېکړه وکړي.

پاکستان ویلي، نه غواړي په یو اړخېز ډول طالبان په رسمیت وپېژني او په خبره یې د طالبانو په رسمیت پیژندلو لپاره باید یوه سیمه ییزه او نړیواله پرېکړه وشي.