نوموړي وویل، کابل ښار ته د اړتیا له مخې، چې د چور او چپاول مخه ونیسي داخل شول او دغه راز یې ټولو ته د خوندي او ارام ژوند ډاډ ورکړ.
هغه وویل، د نړۍ، سیمې او په ځانګړې توګه له ګاونډیو هېوادونو سره ښې او متقابلې اړیکې غواړي او غوښتنه یې وکړه، چې له افغانستان سره مرستې وکړي.
په خبري ناسته کې مجاهد، ښځو ته هم ډاډ ورکړ، چې ټول حقوق به یې خوندي وي او د اسلام دین په اډانه کې به د کار او زده کړو حق ورکړي.
د نشه یي توکو په له منځه وړلو کې د ذبیح الله مجاهد خبره دا وه، چې صفر ته به یې راښکته کوي او په هېواد کې روږدو کسانو په لیدو یې اندېښنه ښکاره کړه.
ذبیح الله مجاهد پاکستان ته له افغانستانه د وسلو او مهماتو د لېږد په تړاو راپورونه رد کړل او ویې ویل، چې تش تبلیغات دي او یو میل وسله هم ګاونډي پاکستان ته نه ده انتقال شوې.
