د کابل په وزیر اکبر خان سیمه کې یو شمېر ښځې راوتلي او د طالبانو په حکومت کې خپله ونډه غواړي.
دوی وايي،په سیاسي، اقتصادي او نورو ټولو ټولنیزو برخو کې دې د ښځو حقونو خوندیتوب تضمین شي.
کابل ته د طالبانو له راتلو وروسته دا لومړنۍ ښځې دي،چې د ښځو حقونو غږ پورته کوي.
له بل لوري نن په ډیری خصوصي رسنیو کې ښځینه ویاندویانې د ټلویزیونونو پر سکرین راښکاره شوې.
د طالبانو دریځ تر اوسه پورې نرم ښکاري، خلکو ته یې په پرلپسې ډول همدا پیغامونه ورکړي،چې ویره دې نه کوي،خپلو دندو ته دې ځي او دوی یې د سر او مال خوندیتوب ته ژمن دي.