چین او امریکا د افغانستان په تړاو خبرې کړې

د امریکا د بهرنیو چارو وزیر انټوني بلینکن د چین د بهرنیو چارو له وزیر وانګ یې سره په افغانستان کې د روان وضعیت په تړاو خبرې کړې دي.

د امریکا د بهرنیو چارو وزیر ویلي، چې دوی له افغانستانه د خپلو سرتېرو او وګړو د خوندي وتلو په لټه کې دي او په دې برخه کې د سیمې د هېوادونو همکاري اړینه ده.

بلېنکن د پاکستان او هند د بهرنیو چارو له وزیرانو سره هم د ټیلفون له لارې د افغانستان د وضعیت په تړاو خبرې کړي، خو په دې اړه ډېر جزییات نه دي ورکړل شوي.