د امریکا، کاناډا او قطر په ګډون د نړۍ له ۶۰ زیاتو هېوادونو په یوه ګډه خبرپاڼه کې ویلي، واکمن لوري دي ژر تر ژره د خلکو امنیت خوندي کړي او ټولو خلکو ته دې د ژوند کولو خوندي فضاء برابره کړي.
خبرپاڼه کې راغلي،چې بشري حقونه دې خوندي شي او د هغو خلکو د تګ زمینه دې برابره کړل شي،چې غواړي نورو هېوادونو ته سفرونه وکړي.
خبرپاڼه کې وړاندې راغلي،هغه کسان،چې په افغانستان کې واک ته رسېدلي،د ټولو افغانانو د ساتنې مسوول دي او تر څنګ یې باید ادارات، هوايي ډګرونه، سرحدي بندرونه او نور پرانیستي پرېښودل شي،ترڅو خلک په ازاده توګه تګ راتګ ته ادامه ورکړي.
نړیوالې ټولنې دغه راز ژمنه کړې،چې له افغانستان او افغانانو سره به خپلو مرستو ته ادامه ورکوي.