Skip to content
د ملګرو ملتونو عمومي منشي انتونیو ګوترس ویلي، نن به د افغانستان په اړه بېړنۍ ناسته راوبولي.
ګوترس په یوه خبرپاڼه کې ویلي، د افغانستان وضعیت ته اندېښمن دی، خو د ځېنو هېوادونو په غوښتنه به د ملګرو ملتونو د امنیت شورا ځانګړې ناسته راوبولي،تر څو د دغه هېواد وضعیت وارزوي.
په ورته مهال نړیوالې ټولنې په افغانستان کې د امنیت پر راوستو ټینګار کړی دی.
د امریکا، کاناډا او قطر په ګډون د نړۍ شپېتو هېوادونو په یوه ګډه خبرپاڼه کې ویلي،چې په افغانستان کې دې د واک خاوندان ژر تر ژره د خلکو امنیت تامین او ټولو هېوادوالو ته دې د ژوند خوندي چاپېریال برابر کړي.
