طالبان: کابل ښار ته داخلیدل به یې پر سوله ییز ډول وي

 د طالبانو له لوري په یوه خپره شوې  خبرپاڼه کې راغلي، کابل ګڼ میشتی ښار دی، دوی به د سیاسي تفاهم له لارې ښار ته داخل کېږي،تر څو د بې نظمیو او یا هم مرګ ژوبلې څخه مخنیوي وشي.

خبر پاڼه کې پر طالبانو غږ شوی  دی،چې د کابل ښار په دروازو کې ودریږي او ښار ته د ننوتلو هڅه دې نه کوي.

 خبرپاڼه کې وړاندې راغلي،چېد انتقال پروسې تر بشپړیدو پورې د کابل ښار امنیت د مقابل لوري ته راجع دی او باید ساتنه یې وکړي.

طالبانو پر ټولو خلکو هغه که دولتي  او یا هم نور کسان دي غږ کړی،چې هېڅوک ورته زیان نه شي رسولی، ټول دې په هېواد کې پاتې شي،څو راتلونکې کې یو ټول منلی حکومت ولرو.