Skip to content
نن سهار شاوخوا شپږ نیمې بجې د ننګرهار ولایت مقام ته طالبان ننوتل او تر خپلې ولکې لاندې یې راوست.
د ننګرهار مرکز جلال اباد ښار، د ولایت مقام او ګڼې ولسوالۍ له جګړې پرته طالبانو ته خوشې شوې.
ویل کېږي، چې تر شپږ بجو ښار ته ټولې لارې د افغان ځواکونو لخوا تړل شوې وې، خو طالبان د سره رود دوسرکې له لارې ښار ته داخل شول، چې اوسمهال د ولایت مقام کې دي.
په عکسونو کې لیدل کېږي، چې د ننګرهار د مخکیني والي په کیڼ لاس کې د ننګرهار لپاره د طالبانو والي مولوي ندا محمد ناست دی او په خپلو کارونو یي پیل کړی دی.
هلته وضعیت ارام دی او طالبانو له ملکي مامورینو غوښتي، چې خپلو چارو ته دوام ورکړي.
دغه راز د ننګرهار له زندانه ټول بندیان ازاد شوي او خپلو کورونو ته تللي دي.
