Skip to content
د امریکا ولسمشر جو بایډن ویلي، دوی شااوخوا ۳۰۰ زره افغان سرتېري روزلي او وسلې یې ورکړي، چې باید د خپل هېواد لپاره وجنګېږي.
بایډن ویلي،د افغان ځواکونو تمویل، تجهیز او معاشونو برخه کې خپلو مرستو ته دوام ورکوي.
بایډن زیاته کړې،خپل ځواکونه له افغانستانه باسي او افغان سرتېري باید د ځان لپاره جګړه وکړي.
د بایډن په خبره،امریکا به له افغان ځواکونو سره خپل هوایي ملاتړ ته دوام ورکړي او افغان هوایي ځواک به هم فعال وساتي.
اخوا بیا له دې وړاندې د امریکا بهرنیو چارو وزارت ویاند نیډ پرایس خبریالانو ته ویلي، امریکا او د امریکا متحدین په افغانستان کې له هغه دولت ملاتړ کوي او په رسمیت یې پېژني،چې د یوې سیاسي هوکړې په پایله کې راشي او څلور معیارونه ولري.
نیډ پرایس ویلي، لومړی،راتلونکی دولت باید ټول شموله وي، دویم د مېرمنو او اقلیتونو په ګډون د ټولو افغانانو حقوق خوندي شي، درېیم باید افغانان خپله د مشرانو د غوره کولو صلاحیت ولري او څلورم راتلونکی دولت باید د نړیوالو قوانینو او نړیوالو بشري قوانینو په برخه کې خپلې ژمنې عملي کړي.
