د افغانستان سوداګرۍ او پانګونې خونې ویلي، په ولایتونو کې د طالبانو او افغان حکومت ترمنځ نښتو دوی ته په میلیونونو ډالره زیان اړولی دی.
یادې خونې ویلي، په ځینو ولایتونو کې بازارونه او د خلکو شخصي ودانۍ تخریب او سوځېدلي، چې سلګونه میلیونه ډالره زیان ورسېدلی او سوداګر د خپلو پانګو د اېستلو په فکر کې دي.
که وضعیت همداسې دوام وکړي او زیات وخت ونیسي، سوداګر اړ دي، چې خپلې پانګې له هېواده بهر وباسي، چې دا چاره به د هېواد پر اقتصاد لا زیاته منفي اغېز وکړي.