افغانستان کې د ماشومانو لپاره د ملګرو ملتونو مرستندویه صندوق یا یونېسف ویلي، جګړو او وچکالۍ له درې میلیونه زیات ماشومان په خوار ځواکۍ اخته کړي دي.
یونیسف ویلي، جګړو او وچکالۍ ډیرې کورنۍ بې ځایه کړي، چې ماشومان یې په بد وضعیت کې دي او ډیر کله یې په خوړو کې ناغېړي کېږي.
دغې ادارې تر یو بریده تیاری نیولی، چې پر ماشومانو به ځانګړي خواړه وېشي او د خوړو او نورو اړتیا وړ وسایلو یا موادو په رسولو کې به مرسته کوي.
د یونیسف ادارې د اټکل له مخې، د روان میلادي کال تر پایه به په هرو دوو ماشومانو کې یو یې، چې عمر یې تر پنځو کلونو کم وي، د لږو خوړو او خوارځواکۍ له کبله سمه ذهني وده ونه لري او د نورو ناروغیو ترڅنګ به د لوبو لپاره پوره انرژي ونه لري.
اټکل دا دی، چې روانه جګړه، وچکالۍ او اجباري کډه کېدل به دغه ستونزه نوره هم پراخه کړي.