افغان حکومت سوداګرو ته تر یوې میاشتې تعرفې معاف کوي

ولسمشر غني، د افغانستان خونو فدراسیون غړو او یو شمېر متشبثینو سره د لومړنیو خوراکي توکو په اړه د دوی ستونزې او غوښتنې واورېدې.

ولسمشر د افغانستان خونو فدراسیون غړو او متشبیثینو ته ویلي، تر یوې میاشتې به ورته په ازمايښتي ډول تعرفې معاف کړي او له هغې وروسته به وضعیت ته په کتو پرېکړه وکړي.

د ولسمشر په خبره، خصوصي سکټور یې ښی لاس دی او که څوک ترې بډې اخلي ملي خیانت کوي.

ولسمشر مالیې وزارت ته لارښوونه وکړه، چې خصوصي سکتور سره په مشوره دې په ګمرکونو کې د شفافې پروسې له لارې کارکوونکي وګوماري، چې صادراتو ته زمینه برابره شي.