د کندهار پر نړیوال هوايي ډګر راکټي برید شوی

 پرون شپه کندهار کې د احمد شاه بابا پر نړیوال هوايي ډګر یو ځل بیا توغندیز بریدونه شوي دي.

یوه سرچینه وايي، که څه هم دغو بریدونو کې زیان نه دی اوښتی، خو یوه مسافر وړونکې الوتکه، چې دغه هوايي ډګر کې د ناستې په حال کې وه، بیرته کابل ته ستنه شوې ده.

په همدې حال کې یوه بله سرچینه وايي، له احمدشاه بابا نړیوال هوايي ډګر څخه تر نامالومې مودې ټولې ملکي الوتنې ځنډېدلي.

دا له تېرو دریو اوونیو راهیسې پنځم ځل دی، چې پر یاد هوايي ډګر توغندیز بریدونه کېږي.