دیبورا لاینز: د سولې برخه کې د طالبانو پر ارادې شک لرو

افغانستان کې د ملګرو ملتونو ځانګړې استازې دیبورا لاینز ویلي، افغانستان کې جګړه وژونکي پړاو ته داخله شوې او په خبره یې یوازې په وروستۍ یوه میاشت کې د طالبانو په بریدونو کې شا اوخوا زر ملکیان وژل شوي دي.

دیبورا لاینز ویلي، څومره چې د وینې بهېدو کچه لوړه شي، هغومره د سولې پر بهیر منفي اغیز پرېوځي.

لاینز ویلي، افغانستان د سوریې او د پخواني یوګوسلاویا هېواد په برخلیک اخته کېږي.

نوموړې د افغانستان په اړه د امنیت شورا بیړنۍ ناستې ته په وینا کې ویلي، پر ښاري سیمو یرغل په لوی لاس د ډېرو وینو تویولو په مانا ده.

هغې له امنیت شورا غوښتي چې پر طالبانو غږ وکړي چې پر ښارونو بریدونه ودروي.