Skip to content
سرچینې وايي، تېره شپه د ملي امنیت صفر درې قطعې د پنځمې حوزې په ناصرانو کلي کې عملیات کړي، چې له امله یې د دواړو لورو ترمنځ سخته جګړه رامنځته شوې ده.
سرچینې وايي، د جګړې پرمهال امریکايي الوتکو بمبار کړی، چې پایله کې یې ۱۵ وسله وال وژل شوي دي.
د دې ترڅنګ د اوومي حوزې په میروېس مېنه او میربازار سیمه کې هم افغان ځواکونو عملیات تر سره کړيدي.
امنیتي مسولینو د ګڼو طالبانو ترڅنګ د طالبانو نظامي مرستیال، نسیم زرقاوي د ټپي کېدو خبر هم ورکړی، خو طالب سرچینو دا ادعا بې ځایه بللې.
ځايي سرچینې وايي، امریکايي الوتکو د پنځلسمې حوزې او ډنډ ولسوالیو ترمنځ له خلقي پله سره پر هغه طالبانو هم هوايي برید کړی، چې د پولیسو پر پوسته یې جګړه پیل کړې وه.
یاد هوايي برید کې د ۳ طالبانو د وژل کېدو خبر ورکړل شوی.
طالبانو دا ادعاوې رد کړي او هوايي بریدونه یې بې تلفاتو ګڼلي.
