هرات کې د طالبانو پر یوه غونډه هوايي برید شوی

ځايي چارواکي وايي، د هرات ولایت ادرسکن ولسوالۍ په شابید سیمه کې د وسله والو طالبانو پر یوې غونډې هوایي برید شوی.

د والي ویاند جیلاني فرهاد وایې، دغه برید پرون ورځ شوی، چې پر مهال یې ۲۰ وسله وال طالبان وژل شوي او ۹ نور ټپیان شوي دي.

ځایي مسؤولین وایې، دغه راز د ښار جنوب دریمې ناحیې میدان بار او آسیا کلوخي سیمو کې هم هوایي بریدونه شوي، چې لس طالبان یې وژلي دي.

طالبانو تر اوسه په دې تړاو رسنیو ته څه نه دي ویلي.