ولسمشر اشرف غني پرون مازدیګر د امريکا د بهرنيو چارو وزير انتوني بلينکن سره ټليفوني خبرې کړي.
په دې ټليفوني خبرو کې د دواړو هېوادونو ترمنځ د اړيکو او له افغانستان سره په بېلا بېلو برخو کې د امریکا د همکاریو پر دوام بحث شوی دی.
د امریکا د بهرنیو چارو وزیر د طالبانو لخوا د تاوتریخوالي پر زیاتېدو د اندېښنې ترڅنګ یو ځل بیا له افغان امنیتي او دفاعي ځواکونو د خپل هیواد د ملاتړ ډاډ ورکړی.
دغه راز په خبرو کې دواړو خواوو د سیمه ییزو مسایلو او افغان سولې بهیر کې د سیمې هېوادونو د رول په اړه هم خبرې کړي دي.