کاناډا کې لسګونه افغانانو د پاکستان پر ضد لاریون کړی

د کاناډا په تورنټو ښار کې پرون د « زمري پر ۱۰ مه» لسګونه افغانانو د افغانستان امنیتي او دفاعي ځواکونو او له جمهوري نظام پر ملاتړ او د پاکستان پر ضد لاریون کړی دی. 

لاریون کوونکو پاکستان د افغانستان په چارو کې پر لاسوهنې او افغان جګړې پر ملاتړ تورن کړ.

دغه راز دوی له  نړیوالې ټولې هم غوښتنه وکړه،چې پر پاکستان فشار راوړي،ترڅو له لاسوهنو او د  جګړې له  ملاتړ لاس واخلي.

له شااوخوا یوې میاشتې راهیسې په یو شمېر اروپايي هېوادونو ورته لاریونونه شوي دي.