قطر کې د طالبانو د سیاسي دفتر ویاند ډاکتر نعیم پر خپل ټویټر لیکلي، د طالبانو د سیاسي دفتر د ملګرو ملتونو او نړیوالو موسساتو سره د اړیکو کمیټې مشر ملا عبدالحق وثیق د یوناما د مرستیال سټیف سره لیدلي.
ډاکتر نعیم لیکلي، لیدنه کې د هرات په ګذرې ولسوالۍ کې د یوناما پر دفتر د وروستۍ پیښې په اړه بحث وشو.
نوموړي زیاته کړې، یوناما ورته ویلي، چې له دې وروسته به دوی د خپلو دفترونو نقشې او مالومات له طالبانو سره شریکوي، چې د امنیت خوندیتوب په اړه یې اقدامات وشي.
هرات کې د طالبانو او افغان حکومت ترمنځ نښته کې د یوناما دفتر هم زیانمن شوی و، چې یو افغان ساتونکی یې ووژل شو.