د امریکا متحده ایالتو ولسمشر جو بایډن د ملي امنیت سلاکار جک سلیوان ویلي، په افغانستان کې اوسنی تاوتریخوالی او د جګړو اوج د منلو نه دی او باید ودرول شي.
هغه زیاته کړه، په افغانستان کې هېڅ لوری هم د زور له لارې واک ته نه شي رسېدلی،نو له همدې امله جدي اړتېا ده،چې ښکېل اړخونه جګړې کمې او د مذاکراتو فرصت دې نه ضایع کوي.
د سلیوان په خبره، افغان سوله د امریکا له ملاتړ برخمنه ده او په دې برخه کې هر ډول همکارۍ ته تیار دي.
نوموړي په هرات کې د ملګرو ملتونو پر دفتر برید هم پر کلکو ټکو غندلی او په وینا یې دا یوه بوږنوونکې پېښه ده او په افغان جګړه کې باید بې طرفه وګړو ته زیان ونه رسېږي.