سیګار: افغانستان کې د نشه يي توکو پر وړاندې مبارزه کم رنګه شوې

د افغانستان د بیا رغونې په چارو کې د امریکا  د څار ادارې یا سیګار  ويلي،د افغان حکومت او نړیوالې ټولنې له لوري  د نشه یي توکو پر وړاندې مبارزه کم رنګه شوې ده.

د سیګار په باور له ۷ سترو ګواښونو نشه يي توکي یې شپږم ستر ګواښ دی،چې د افغانستان ثبات یې له ګواښ سره مخ کړی دی.

د سیګار په راپور کې راغلي، له افغانستانه د امریکايي ځواکونو له وتلو وروسته امریکا د نشه يي توکو پر وړاندې مبارزې برخه کې خپلې ځینې برنامې محدودې کړي او ځینې نورې یې ان په بشپړ ډول درولي دي.