د ازادې مبارزې یا فري فایټ افغان لوبغاړي عظیم خرم خپل هندي سیال مظهر خان ته ماتې ورکړه.
دا سیالۍ د هند ممبی ښار کې د اتلانو د شپې مبارزې یا هیرو فایټ نایټ د ازادو رزمي سیالیو د نړیوال سازمان په پنځم پړاو سیالیو کې شوې.
خرم، هندي سیال مظهر خان د لومړي رونډ په دویمه دقیقه کې ناک اوټ کړ.
د مالوماتو له مخې، خرم له دې وړاندې هم یوه پروفیشنل او درې اماتور سیالۍ کړي او ټولې یې ګټلې دي.
خرم په هند کې د ماسټرۍ تر کچې زده کړې هم کړي دي.