ځایي مسوولین وايي، د ناړۍ ولسوالۍ د بېرته نیولو لپاره افغان ګډو ځواکونو عملیات پيل کړي او جګړه کې برلاسي دي.
دغو عملیاتو ته له ننګرهار اونوروستان ولایتونو هم د ملي امنیت صفر دوه قطعې ځانګړي ځواکونه ورغلي دي.
بل پلو د ننګرهار امنیتي مسوولینو خبر ورکړی، چې په سره رود ولسوالۍ کې یې د وسله والو طالبانو پر ضد عملیات پيل کړي دي.
مسوولین وايي، ځانګړو ځواکونو د طالبانو پر مرکزونو د سپکو او درنو وسلو بریدونه کړي، چې پایله کې یې پنځه طالبان وژل شوي او دوه نور ټپیان شوي دي.
طالبانو تر اوسه په دې تړاو څه ندي ویلي.